बिहिबार देखिको भारी बर्षातका कारण मकवानपुरको भीमफेदी गाउंँपालिका वडा नम्बर ५ माथील्लो दमारमा पहिरोको जोखिममा ५ घरका २६ जना परेका छन् ।

घरवरीपरीबाट पहिरो गएको र बिचमा पाँच घरका २६ जना भएको जोखिम युक्त स्थानमा उनीहरुको उद्धारका लागि नेपाली सेना र नेपाल प्रहरीको टोली पुगिसकेको जिल्ला प्रहरी कार्यालय मकवापनुरका प्रहरी उपरिक्षक मुकेश कुमार सिंहले जानकारी दिनुभयो । स्थानीय सोम बहादुर घलान लगायत अन्य घलान परिवार अन्य परिवारलाई पहिरोले पुर्ने खतरा रहेको प्रहरीले जनाएको छ ।
निरन्तर भिषण पानी परिरहेको कारण तत्काल उद्धारका लागि पनि समस्या सृजना भएको छ ।

कोगटे्, ईपा, भीमफेदी दमार, सुपीङ्ग, ज्यामीरे, माण्डौ, धोरसिङ्ग र जुडिखेतमा समेत भारी बर्षातले सडक पहिरोमा परिणत भएको छ । सुपिङ्गमा यातायातको बाटोको त कुरै छाडौ मानिस हिडन नि कठिन भएको स्थानीय सिबराज पुडासैनीले बताउनु भएको छ ।