उदयपुरको रौतामाई नगरपालिका-७ का १४ वर्षीय बालकको बाढीले बगाएर मृत्यु भएको छ।

सोमबार राति १० बजे छाउरे खोलामा अचानक बाढी आएर घरमा सुतिरहेका आमा सुनिता तामाङ र छोरा आर्यन तामाङलाई बगाएको थियो।

प्रहरी चौकी सुकौराबाट खटिएको प्रहरी टोली र स्थानीयवासी समेतको सहयोगमा आमालाई जीवितै उद्धार गरिएको थियो भने छोरा आर्यनलाई बाढीले बेपत्ता पारेको थियो।

खोजी गर्ने क्रममा मंगलबार बिहान सवा ८ बजे त्रियुगा खोलाको किरानामा मृत अवस्थामा बालकको शव फेला परेको जिल्ला प्रहरी कार्यालय उदयपुरले जनाएको छ।