भक्तपुरमा अवैध रुपमा ल्याएको बुद्धचित्तको दानासहित चारजना पक्राउ परेका छन् । सूर्यविनायक नगरपालिका–८ मा बा २ ज ५२२३ नम्बरको ट्याक्सी जाँच गर्ने क्रममा अवैध रुपमा ल्याएको करिब १ सय केजी बुद्धचित्तको दानासहित चारजना पक्राउ परेका हुन् । पक्राउ पर्नेहरुमा शुक्र लामा, रोशन कार्की, रुपेश लामा र ट्याक्सी चालक विनोद माझी रहेका छन् ।

महानगरीय प्रहरी वृत्त जगातीबाट खटिएको प्रहरीले बनेपाबाट काठमाडौंतर्फ जाँदै गरेको उक्त ट्याक्सी जाँच गर्दा ७ वटा बोरामा रहेको उक्त परिमाणको बुद्धचित्तको दाना फेला पारेको थियो ।