नेपालको राजकीय भ्रमणमा रहेका भारतीय प्रधानमन्त्री नरेन्द्र मोदीले आज बिहान मुक्तिनाथ मन्दिरमा विशेष पूजाआजा गरेका छन् ।
प्रधानमन्त्री मोदीलाई पुजारी कृष्णप्रसाद सुवेदी र झुमा कर्साङ गुरुङले मन्दिरभित्र करीब २० मिनेट पूजा गराएका थिए ।
भारतीय प्रधानमन्त्रीले षोडषोपचार विधिबाट पूजा गरेका थिए । भारतीय प्रधानमन्त्री पूजा गरेर करीब डेढ घण्टा मुक्तिनाथ क्षेत्रमा बसेका थिए । उनी आज बिहान पूजार्चनाका लागि विशेष हेलिकप्टरबाट यहाँ आएका हुन् । पूजा सकेलगत्तै मोदी आजै बिहान काठमाडौँ फर्किएका छन् ।