हेटौंडाः चितवनको भरतपुर १५ मा निर्माणधीन क्रिकेट रंगशालालाई सहयोग जुट्ने क्रम जारी छ। रंगशाला निर्माणमा ५० करोड जुटाउने लक्ष्यका साथ निर्माणस्थलमै धनधान्याचल महोत्सव चलिरहेको छ। अहिले विभिन्न संघसंस्था तथा व्यक्ति दैनिक रुपमा सहयोग रकम लिएर रंगशाला पुगीरहेका छन्। यसैक्रममा भरतपुर महानगरपालिका २ क्षेत्रपुरमा रहेको मिल्स एरिया टोल विकास संस्थाअन्तर्गतको क्रियाशील महिला समूहले नगद ७० हजार रुपैयाँ सहयोग गरेको छ। समूहकी अध्यक्ष प्रमिला रानाभाटले समूहको कार्यसमितिबाट स्वैच्छिक रुपमा रकम उठाएर सहयोग गरिएको बताइन्। समूहकी सल्लाहकार एवं पत्रकार महासंघ चितवनकी उपाध्यक्ष शान्ता अधिकारीले आगामी दिनमा पनि समूहले सहयोगलाई जारी राख्ने बताइन्। उनले भनिन्, ‘यो पहिलो चरणको सहयोग हो। आगामि दिनमा समूहबाटै पनि र टोलबाट पनि सहयोग जारी रहने छ।’
स्रोतः थाहाखबर