हेटौंडा÷मदन भण्डारी स्पोर्टस एकेडेमी विद्यालय खेलकुद शिक्षक संघको आयोजनामा मकवानपुरमा जिल्लास्तरीय शिक्षक भलिबल प्रतियोगिता हुने भएको छ । यही फाल्गुन ९ गतेबाट हेटौंडा–४ हुप्रचौरमा रहेको भलिवल कोर्टमा प्रतियोगिता हुने आज शुक्रबार पत्रकार सम्मेलन गरी आयोजकले जानकारी दिएको छ ।
संघका अध्यक्ष राजाराम पोखरेलले प्रतियोगितामा जिल्लाका २५ वटा विद्यालयले सहभागिता जनाउने अनुमान गरिएको बताए । प्रतियोगिताको विजेताले २० हजार नगदसहित शिल्ड, मेडल र प्रमाणपत्र प्राप्त गर्नेछ । उपविजेताले १० हजार नगद सहित शिल्ड, मेडल र प्रमाणपत्र प्राप्त गर्ने आयोजकलृ बताएको छ । तृतीय हुने टिमले नगद ५ हजार, अनुसाशित टिमलाई ३ हजार, विद्यागत उत्कृष्ट खेलाडीहरुलाई जनही ३ हजार नगदसहित शिल्ड, मेडल तथा प्रमाणपत्र प्रदान गर्ने आयोजकले जानारी दिएको छ ।