हेटौंडाः राष्ट्रिय प्रजातन्त्र दिवसको अवसरमा प्रवचन गोष्ठी बुधबार सम्पन्न भएको छ । राष्ट्रिय प्रजातन्त्र पार्र्टी राप्रपा मकवानपुरको आयोजनामा गोष्ठी भएको हो ।
कार्यक्रममा बोल्दै अध्यक्ष थापाले देशमा धेरै राजनैतिक क्रान्ति भएपनि आर्थिक–सामाजिक रुपान्तरण हुन सक्दा उपलव्धी संस्थागत हुन नसकेको बताए । उनले २०६२ र ६३ पछि राजनैतिक परिवर्तन भएपनि जनताको जीवनस्तरमा सकारात्मक परिवर्तनको अभाव रहेको बताउँदै राज्य संचालन गर्ने नेतृत्वले त्यसतर्फ ध्यान दिनुपर्ने सुझाव दिए ।
जिल्ला अध्यक्ष मधु अधिकारीको सभाध्यक्षतामा कार्यक्रममा राप्रपाका सहायक महामन्त्री राजाराम बर्तौला, केन्द्रीय सदस्य रामहरी न्यौपाने, बरिष्ठ नेता सिताराम बर्तौला, नगर अध्यक्ष गुरुप्रसाद सापकोटा, राप्रपा आवद्ध महिला संगठनकी जिल्ला अध्यक्ष बालकुमारी डल्लाकोटी लगायतले उपस्थिती रहेको थियो ।