हेटौडा कप टि –२० क्रिकेटको उपाधि हेटौडा क्रिकेट क्लवले जितेको छ ।

हेटौडा क्रिकेट एकेडेमीलाई १३ रनले पछि पार्दै क्लवले उपाधि सहित नगद ३५ हजार पुरस्कार प्राप्त गरेको हो । यस्तै दोस्रो भएको हेटौडा क्रिकेट एकेडेमीले नगद रु २५ हजार प्राप्त गरेको छ । ११३ रनको लक्ष्य पाएको हेटौडा क्रिकेट एमेडेमी १०० रनमै सिमित हुदै अलआउट भए पछि क्लवले उपाधि प्राप्त गरेको हो । प्रतियोगिताको म्यानअफ सिरिजको उपाधि सहित क्रिकेट क्लवका हासीम अन्सारीले नगद ८ हजार प्राप्त गर्न सफल भए ।

अन्सारीले खेल अवधिमा ९ विकेट लिन सफल भएका थिए भने ९५ वनाएका थिए । यस्तै १५ विकेट लिन सफल मकवानपुर क्रिकेट एकेडेमीका अभिशेक झा उत्कृष्ट वलर वनेका छन भने १०८ रन वनाउन सफल एकेडेमिकै संसशेख उत्कृष्ट व्याड्स म्यान वनेका छन । उनीहरुले जनही नगद ५ हजार प्रप्त गरेका छन् । विजेता र उपविजेता टीम तथा खेलाडीहरुलाई हेटौडा उपमहानगरपालिकका प्रमुख हरि वहादुर महत, जिल्ला खेलकुद विकास समितिका अध्यक्ष माधव तिमल्सिना, प्रमुख राजन दाहाल खुशराज, उपाध्यक्ष दिपेन्द्र ढकाल लगायतले पुरस्कार प्रदान गर्नुभएको थियो ।

जिल्ला क्रिकेट संघको आयोजना र मकवानपुर जिल्ला खेलकुद विकास समितिको समन्वयमा भएको प्रतियोगितामा हेटौडा स्कुल अफ म्यानेजम्यान्टले प्रथम र करन महतराज क्षेत्रीले दोस्रो पुरस्कार प्रायोजन गरेका क्रिकेट संघ मकवानपुरका अध्यक्ष संजोग पोखरलले जानकारी दिएका छ ।