हेटौंडाः मकवानपुरको मकवानपुर गढी गाउँपालिकामा जन्ती बस दुर्घटना हुँदा मृत्यु हुनेको संख्या ४ पुगेको छ । मकवानपुर गढी गाउँपालिकाको सुकौरा स्थित दुर्घटनामा २५ जना भन्दा धेरै घाईते भएको प्रहरीले जनाएको छ । जिल्ला प्रहरी कार्यालय मकवानपुरको सञ्चार शाखा अनुसार मृतक र घाईतेको नाम थर बारे अझै जानकारी प्राप्त भएको छैन । घाईतेहरुलाई हेटौंडा स्थित विभिन्न अस्पतालमा ल्याउने क्रम रहेको प्रहरीले जनाएको छ ।