मकवानपुर प्रहरीले एकसय ६८ केजी लागूऔषध गाँजा सहित दुई जनालाई पक्राउ गरी बुधबार सार्वजनिक गरेको छ ।
पश्चिमी मकवानपुरको राक्सिराङ गाउँपलिका ४ बाट स्थानीय सुदिप कोईरालालाई एकसय ५० केजि गाँजा सहित पक्राउ गरेको हो । कोईरालाले लागूऔषध गाँजा बिक्री बितरण गर्दै आएको विषेश सूचनाको आधारमा उनको घरगोठमा छापा मार्दा गोठको माथिल्लो तल्लामा लुकाई राखेको उक्त परिमाणको गाँजा बरामद भएको र कोईरालासँगै अर्का स्थानीय राकृष्ण ब्लोनलाई १८ केजि आठसय ग्राम गाँजा सहित पक्राउ गरेको छ । ब्लोनको घर खानतलासी गर्दा दुई वटा बोरामा लुकाई राखेको गाँजा फेला परेको मकवानपुरका प्रहरी उपरीक्षक लोकेन्द्र श्रेष्ठले बताए ।

उनीहरु मध्ये ब्लोनलाई नियन्त्रणमा लिनेक्रममा हवाइ फायर समेत गर्नु परेको उनले बताए । उनले पक्राउ परेकाहरुको बिषयमा थप अनुसंधान जारी रहेको जानकारी दिए । बिहीबार उनीहरुलाई लागू औषध मुद्दामा जिल्ला अदालतमा पेश प्रहरीले गर्नेछ ।