कोरोना भाइरसका कारण सरकारले लगाएको लकडाउनले समस्यामा परेको दैनिक ज्यालादारी श्रमिकरमजदुरलाई शुक्रबार खाद्यान्न वितरण गरिएको छ । रोटरी क्लब अफ हेटौंडा र रोट्याक्ट क्लब अफ हेटौंडाको सहयोगमा खाद्यान्न वितरण गरिएको हो ।

मकवानपुरगढी गाउँपालिका वडा नम्बर ७ सुकौरामा रहेको जनता माध्यामिक विद्यालयको पनि आर्थिक सहयोगमा ७ नम्बर वढा कार्यालयको समन्वयमा विपन्न परिवारलाई खाद्यान्न वितरण गरिएको रोट्याक्ट क्लब अफ हेटौंडाका अध्यक्ष सरोज देवकोटाले बताए ।

सुकौराका ३५ घरधुरीलाई दैनिक उपभोग्य खाद्यान्न वितरण गरिएको थियो । कार्यक्रममा वडाका कार्यबहाक अध्यक्ष प्रतिमान रुम्बा, जनता माविका प्रअ होमबहादुर नेपाली, रोट्याक्ट क्लबका पदाधिकारीहरुको उपस्थिती रहेको थियो ।