काठमाडौं : सत्तारुढ नेपाल कम्युनिष्ट पार्टीभित्र किचलो चलिरहेका बेला प्रधानमन्त्री केपी शर्मा ओलीले आफ्ना सांसदहरुलाई एकताका साथ प्रस्तुत हुन निर्देशन दिएका छन्। शुक्रबारबाट सुरु हुने संघीय सदनको बर्षे अधिवेशनअघि नेकपाका सांसदहरुलाई पत्र लेख्दै उनले एकतावद्ध र दृढताका साथ प्रस्तुत हुन भनेका हुन्। प्रधानमन्त्रीले सरकारले ल्याउने नीति तथा कार्यक्रम र बजेटको पक्षमा उभिन लिखित निर्देशन दिएका हुन्। ुसंसदका दुवै सदनका बैठक छोटा छरिता र मर्यादित एवम् विषय केन्द्रित हुनुपर्ने र संसदमा हाम्रो दलको एकता र विषयगत एकरूपता स्पष्ट देखिनुपर्ने आवश्यकतालाई माननीयज्यूहरूले बुझ्नु नै भएको छु, प्रधानमन्त्री ओलीले सांसदलाई पठाएको पत्रमा भनिएको छ, ुविगतमा जस्तै यस संसद अधिवेशनमा पनि सक्रिय, समझदारीपूर्ण र एकतावद्ध प्रयासका साथ अघि बढ्न म नेपाल कम्युनिष्ट पार्टी ९नेकपा० संसदीय दलका सबै माननीयज्यूहरुमा अनुरोधका साथ निर्देशन गर्दछु।ु संघीय संसदको दुवै सदनको बैठक सुरु हुनुअघि शुक्रबार प्रधानमन्त्री निवास बालुवाटारमा नेकपा अध्यक्ष पुष्पकमल दाहाल प्रचण्ड, संसदीय दलका उपनेता सुवासचन्द्र नेम्बाङ, प्रतिनिधिसभामा दलका प्रमुख सचेतक देव गुरुङ, सचेतक शान्ता चौधरी, राष्ट्रियसभामा दलका नेता दीननाथ शर्मा र प्रमुख सचेतक खिमलाल भट्टराईसहित बैठक बसेको थियो। त्यसपछि प्रधानमन्त्रीले नेकपाका सांसदहरुलाई लिखित निर्देशन दिएका हुन्। शुक्रबार अपरान्ह ४ बजेदेखि संघीय संसदको बजेट अधिवेशन सुरु हुँदैछ। अधिवेशनमा राष्ट्रपति विद्यादेवी भण्डारीले जेठ २ गते नीति तथा कार्यक्रम संसदमा पेश गर्नेछिन्। संवैधानिक ब्यवस्थाअनुसार जेठ १५ गते अर्थमन्त्री डा. युवराज खतिवडाले बजेट प्रस्तुत गर्नेछन्।