पश्चिम नवलपरासीको बर्दघाट बजारमा शनिबार दिउँसो दुई मोटरसाइकल एक आपसमा ठोकिदा तीन जनाको मृत्यु भएको छ भने एकजना घाइते छन् ।
गोपीगञ्जबाट बर्दघाटतर्फ जाँदै गरेको र विपरीत दिशाबाट आउँदै गरेको मोटरसाइकल बर्दघाटको सशस्त्र युक्ति महाविद्यालय सडक अगाडि ठोकिदा दुर्घटना भएको प्रहरीले जनाएको छ ।

दुर्घटनामा मृत्यु हुनेमा बर्दघाट नगरपालिका  १६ कुकुरमाराका १८ वर्षीय अजितसिंह ठकुरी, २१ वर्षीय सन्तोष न्यौपाने र बर्दघाट नगरपालिका –१४ का १८ वर्षीय आशिष जिसी रहेको प्रहरीले जनाएको छ। तिव्र गतिका कारण दुर्घटना भएको प्रहरीले जनाएको छ ।

घाइते बर्दघाट नगरपालिका१४ का दीपेन्द्र जिसीको लुम्बिनी अञ्चल अस्पताल बुटवलमा उपचार भइरहेको प्रहरीले जनाएको छ