मकवानपुरमा १ जना २५ बर्षीय महिलामा कोरोना पोजेटिभ पुष्टि भएको छ।हेटौँडा उपमहानगरपालिका वडा नम्बर १ चौकिटोल निवासी महिलामा कोरोना पोजेटिभ पुष्टि भएको हो।उनको हेटौंडा १० मा रहेको किटजन्य रोग अनुसन्धान तथा तालिम केन्द्रमा गरिएको स्वाब परिक्षणमा कोरोना पुष्टि भएको हेटौंडा ४ कर्रामा रहेको आइसोलेन वार्डका प्रमुख भोलाप्रसाद चौँलागाईले बताएका छन्।
साथै, हेटौँडा उपमहानगरपालिका वडा नंबर १ चौकिटोलमा आज कोरोना पुष्टी भएकी एकजना महिला चितवनमा एक कार्यालयमा काम गर्ने खुलासा भएको छ।उनी हेटौँडा आउने जाने गरेको समेत खुलेको छ।हेटौँडाको चौकिटोल स्थायी घर भएकी ति महिलाको हेटौँडाको प्रयोगशालामानै कोरोना पुष्टि भएको हो।उनी भरतपुरबाट बैशाख ९ गते हेटौँडा आएकी थिइन्।
उनलाई अस्थाइ कोरोना अस्पताल भरतपुर पठाइएको छ।उनको कन्ट्याक्ट ट्रेसिङ् सुरु गरिएको र महिला बस्ने घरलाइ सिल गरिएको चौलागाईले बताएका छन्।
अहिले हेटौडाको आइसोलेसन वार्डमा ५६ जना रहेका र सबै कोरोनाको रिपोर्ट कुरीरहेका पनि चौलागाईले जानकारी दिनु भयो । उहाले समयमा रिपोर्ट नदिदा समस्या हेटौंडा ४ कर्रामा रहेको आइसोलेन वार्डमा धेरै सङ्ख्यामा राख्नु परेको गुनासो पनि गर्नु भयो।