मकवानपुर प्रहरीले बलात्कार गरेको आरोपमा भिमफेदी गाँउपालिका वडा नम्बर १ का १८ वर्र्षीय सुमन वाईवालाई पक्राउ गरेको छ ।
वाईवाले मकवानपुरकै इन्द्रसरोबर गाउँपालिकाकी एक युवतीलाई छुरी देखाएर बलात्कार गरेको प्रहरी कार्यलय मकवानपुरका प्रहरी प्रवक्ता डिएसपी इन्द्रबहादुर रानाले बताए । पीडित युवतीले मंगलबार प्रहरीमा उजुरी दिएपछि वाईवा पक्राउ परेका हुन् । इन्द्रसरोबर क्षेत्रमानै सबारी चालकको रुपमा काम गर्ने वाईबाको विषयमा थप अनुसन्धान भैरहेको रानाले बताए । पीडित युवतीलाई प्रहरीले हेटौंडा अस्पतालस्थित एकद्वार संकट व्यवस्थापन केन्द्र (ओसीएमसी) मा आवश्यक स्वास्थ्य परीक्षण तथा मनोसामाजिक परामर्शका लागि रेफर गरेको छ ।