मकवानपुरको मनहरीमा खोलामा डुबेर एक युवतीको मृत्यु भएको छ ।

मृत्यु हुनेमा मनहरी गाउँपालिका वडा नम्बर ९ ज्यामिरेकी १६ वर्षीया युवती सुनिता सुनुवार रहेको जिल्ला प्रहरी कार्यालय मकवानपुरका प्रवक्ता इन्द्रबहादुर रानाले जानकारी दिए ।

सुनिताको राप्ती खोलामा डुबेर सोमबार मृत्यु भएको हो ।

साथीसँग जंगल गएकी उनको खोलाले चप्पल बगाएको र चप्पल लिन जाँदा खोला डुबेर मृत्यु भएको जिप्रका मकवानपुरका प्रवक्ता रानाले बताए ।

घटनाको विषयमा आवश्यक अनुसन्धान भइरहेको मकवानपुर प्रहरीले जनाएको छ ।