बस्तीपुर जेसीजको आयोजनामा आज भएको रक्तदानमा ५१ जनाले रक्तदान गरेका छन् । रगतको अभाव हुने स्थिति आएपछि रक्तसञ्चार केन्द्र हेटौंडाका प्रमुख टंक दाहालले नै रक्तदान कार्यक्रमको आयोजना गर्न बस्तीपुर जेसीजलाई आग्रह गरेको हो ।

रक्तसञ्चार केन्द्रको आग्रहअनुसार बस्तीपुर जेसीजले आज हेटौंडा उपमहानगरपालिका–१९, बस्तीपुरमा रक्तदान कार्यक्रमको आयोजना गरेको हो । आज संकलित रगतले एक साताका लागि रगतको माग पूरा गर्न सहज भएको रक्तसञ्चार केन्द्र हेटौंडाका प्रमुख टंक दाहालले बताउनुभयो ।