बागमती प्रदेश सरकारले आगामी आर्थिक वर्षको लागि कोभिड १९ को नियन्त्रण तथा रोकथामको लागि १९ करोड ४४ लाख बजेट विनियोजन गरेको छ ।
सोमबार बसेको प्रदेशसभा बैठकमा आर्थिक मामिला तथा योजना मन्त्री कैलाश ढुङ्गेलले उक्त बजेट प्रस्तुत गरेका हुन् । बागमती प्रदेश सरकारले आगामी आर्थिक वर्ष २०७७÷७८ को लागि कुल ५१ अर्ब ४२ करोड ७४ लाख ९४ हजार रुपैयाँ बजेट बिनियोजन गरेको छ । प्रदेश सरकारले चालुतर्फ २६ अर्ब २८ करोड र पूँजिगततर्फ २५ अर्ब १४ करोड १ लाख ५९ बजेट बिनियोजन गरेको हो ।
राजश्व तर्फ २० अर्ब ८३ करोड ७९ लाख हजार रुपैयाँ कर, अन्तर सरकारी अनुदानतर्फ १७ अर्ब ८६ करोड ९८ लाख, अन्य राजश्व ५ अर्ब १२ करोड ९७ लाख र राजश्व बचत ७ अर्ब ५० करोड रुपैयाँ प्राप्त हुने बजेटमा उल्लेख छ ।
चेपाङ्गका लागि चिउरी कार्यक्रम अन्तरगत चिउरी खेती र चेपाङ्ग समुदायको सहभागितामा चिउरी प्रशोधन उद्योग स्थापनाका लागि रकम व्यवस्था गरिएको छ । यसरी उद्योग क्षेत्रको विकासका लागि समग्रमा रु ८२ करोड विनियोजन गरिएको । बाबुआमा दुबै नभएका बालबालिकाहरुलाई बागमती प्रदेश सरकारले मासिक २ हजार रुपैँया भत्ता दिने भएको छ । हेर्नुहोस् बजेटको पूर्ण पाठ–