मकवानपुरको हेटौंडामा करेन्ट लागेर एक युवकको ज्यान गएको छ ।

करेन्ट लागेर काभ्रे घर भई हेटौंडा बस्दै आएका अन्दाजी २४ वर्षीय रविन्द्र गौतमको ज्यान गएको जिल्ला प्रहरी कार्यालय मकवानपुरका प्रवक्ता इन्द्रबहादुर रानाले जानकारी दिए ।

हेटौडा उपमहानगरपालिका वडा नम्बर १० को एक ग्यारेजमा काम गर्दै आएका उनको करेन्ट लागेर घटनास्थलमै मृत्यु भएको हो ।

उक्त घटनाको विषयमा आवश्यक अनुन्धान भइरहेको जिल्ला प्रहरी कार्यालय मकवानपुरले जनाएको छ ।