गत असार १ गते हेटौँडाको सूर्यचोकमा हत्या गरिएकी सुस्मिता केसि थापाको नाउँमा स्थानीय नागरिकहरुले उक्त चोकको नाम सुस्मिता चोक राखेका छन् ।

सुस्मिता केसीको सम्झनामा उक्त चोकको नाम सुस्मिता चोक राखिएको स्थानीयहरुको भनाई रहेको छ । आफ्नै परिबारको सदस्यहरु मिलेर हत्या गरिएको सुस्मितालाई न्याय दिलाउनको लागि सक्रिय रहेका स्थानीय टोलवासीले सुर्य चोकको नाउँ सुस्मिता चोक राखेका हुन् ।

९ महिना अघि श्रीमान गुमाएकी सुस्मितालाई उनकै ससुरा, सासु तथा नन्दहरु मिलेर हत्या गरेको भन्दै जिल्ला अदालत मकवानपुरले थप अनुसन्धानको लागि उनीहरु चारै जनालाई पुर्वक्षमा थुनामा राख्न आदेश दिएको छ ।