हेटौंडाः कोरोना भाइरस संक्रमणमुक्त भएका ४ जना आज हेटौंडा–४, कर्रास्थित आइसोलेसन वार्डबाट डिस्चार्ज भएका छन् । हेटौंडा–५ का २१ वार्षीय एक दम्पत्ति र वडा नम्बर १४ का २६ वर्षीय एक दम्पत्तिको दोस्रो पटक कोरोना परीक्षणको रिपोर्ट नेगेटिभ आएपछि उनीहरुलाई डिस्चार्ज गरिएको आइसोलेसनका इन्चार्ज भोला चौलागाईले बताउनुभयो ।

होम क्वारेन्टिन, गोरक्षश्वर क्वारेन्टिन र बागमती गाँउपालिकाको क्वारेन्टिनबाट १९ जनाको र आइसोलेसनबाट ३ जनाको स्वाब संकलन गरी कोरोना परिक्षण गर्न हेटौंडा–१०, स्थित कोरोना प्रयोगशालामा पठाइएको छ । आज आइसोलेसन वार्डमा १ जना हेटौंडाका, ३ जना बागमती गाँउपालिकाका, १ जना मनहरी गाँउपालिकाका र १ जना पर्सा जिल्लाका गरी ६ जना नागरिक रहेका छन् । उनीहरु मध्ये साउदीबाट आएका २ जना, दुबईबाट आएका १ जना, वीरगंजबाट आएका २ जना र बहराइनबाट आएका १ जना रहेको आइसोलेसनका इन्चार्ज चौलागाईले जानकारी दिनुभयो ।