मकवानपुरको भीमफेदी गाउँपालिका वडा नम्बर–१ बागझोराबाट घाइते चितुवाको आज उद्धार गरिएको छ । दाइने आँखा फुटेको र पेटमा घाउ भएको अवस्थामा डिभीजन वन कार्यालय मकवानपुरले उद्धार गरेको हो ।

घाइते अवस्थाको चितुवालाई चितवन राष्ट्रिय निकुन्जको टोलीलाई हस्तान्तरण गरिएको डिभिजन वन कार्यालय मकवानपुरका सहायक वन अधिकृत अच्युत लामिछानेले जानकारी दिनुभयो ।

अव निकुन्जका चिकीत्सकले घाइते चितुवाको उपचार गर्नेछन् । सडकको नालीमा घाइते अवस्थामा वसीरहेको चितुवालाई स्थानीय वासिन्दाले फेला पारेपछी वन कार्यालयलाई खवर गरेका थिए ।