मकवानपुरको हेटौंडा–१५ बाट अवैध लागूऔषधसहित प्रहरीले एक जनालाई पक्राउ गरेको छ । पक्राउ पर्नेमा हेटौंडा उपमहानगरपालिका–१५ का वर्ष ३० का सुरेश नेपाली रहेका छन् ।

सुरेशलाई १ सय ९३ एम्पुल डाइजेपाम, १ सय ८५ एम्पुल फेनारागन र २ सय ३ एम्पुल नुर्फिनसहित ईलाका प्रहरी कार्यालय पशुपतिनगरबाट खटिएको प्रहरीले पक्राउ गरेको जनाएको छ ।

बिहिवार राति वीरगंजबाट हेटौंडातर्फ आउँदै गरेको ग। १ च २८१७ नम्बरको पिकअप चेकजाँच गर्ने क्रममा चालकको सिटमुनी लुकाइछिपाई ल्याउँदै गरेको उक्त परिणामको लागूऔषध फेला परेपछि पिकअपमा सवार उनलाई पक्राउ गरेको हो ।

मकवानपुर प्रहरीका अनुसार, पिकअप चालक हाल फरार रहेका छन् । फरार चालकको खोजी कार्य हुनुको साथै पक्राउ परेका उनीमाथि थप अनुसन्धान भइरहेको छ ।