हेटौंडाः पूर्व पश्चिक राजमार्ग अन्तर्गत हेटौंडा १५ चुरियामाई नजिक सवा ११ बजे ट्रक र ट्याक्टर ठोक्किदा एकको मृत्यु भएको छ भने तीनजना सामान्य घाइते भएका छन् ।

बाराबाट हेटौंडा तर्फ आउँदै गरेको ना ५ ख ४१६४ नम्बरको ट्रकको ब्रेक फेल भएपछि हेटौंडाबाट पथलैयातर्फ जाँदै गरेको ना ३ त ६९३१ नम्बरको ट्याक्टर आपसमा ठोक्किएर दुर्घटना भएको हो ।

दुर्घटनामा ट्याक्टर चालक बारा परवानिपुर गाँउपालिका वडा नं १ का २२ वर्षिय लालबाबु यादब रहेका छन् । दुर्घटनापछि हेटौंडा अस्पतालमा उपचारको क्रममा ११ बजेर ५० मिनेटमा मृत्यु भएको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक ईन्द्रबहादुर रानाले जानकारी दिए । उनिसंगै रहेका ट्याक्टरका सहचालक सोहि स्थानका १७ बर्षिय दिपेन्द्र कुमार मण्डल रहेका छन् । उनको अवस्था सामान्य रहेको छ ।

बाराबाट हेटौंडा चामल लिएर आएको ट्रकका चालक घनुषा जिल्ला मिथिला नगरपालिका वडा नं ५ बस्ने बर्ष ३८ का गंगाराम महत्तो र सहचालक जिल्ला सिरहा कल्याणपुर नगरपालिका–८ का अभि साह सामान्य घाइते भएका छन् । घाइतेको हेटौंडा अस्पतालमा उपचार गरिएको छ ।