मकवानपुरको हेटौंडा उपमहानगरपालिका वडा नंबर ११ नवलपुरमा माईक्राले ट्याक्टरलाई ठक्कर दिँदा ९ जना घाईते भएका छन् ।

मनहरीबाट हेटौंडा आउँदै गरेको ना ५ त ७७०० नंबरको ट्याक्टरलाई सोहि दिशाबाट हेटौंडा आउँदै गरेको ना १ ज ८६८५ नंबरको माईक्रोले ठक्कर दिँदा ९ घाईते भएको जिल्ला प्रहरी कार्यलय मकवानपुरका प्रहरी प्रवक्ता ईन्द्र बहादुर रानाले बताए ।

केहि बेर समय अघि भएको दुर्घटनामा माईक्रो चालक,सहचालक सहित माईक्रोमा सवार यात्रु र ट्याक्टर चालक समेत गरी ९ जना घाईते भएको प्रहरीले जनाएको छ । उनिहरुको अवस्था सामान्य रहेको जिल्ला प्रहरी कार्यलय मकवानपुरले जनाएको छ । उनिहरुको उपचार हेटौंडा स्थित चुरेहिल अस्पतालमा भईरहेको छ ।