वीरगन्जको ड्राइपोर्टमा शुक्रबार बेलुका भएको भएको सवारी दुर्घटनामा एक जनाको मृत्यु भएको छ ।

मोटरसाइकल अनियन्त्रित भएर भएको सवारी दुर्घटनामा वीरगन्ज महानगरपालिका २५ ड्राइपोर्ट घर भएका ३० वर्षका दिनेश साह तुराहको मृत्यु भएको हो ।ड्राइपोर्ट बहुअरी चोकको लक्ष्मी आयल नजिकै साह चढेको ना ४० प ६१४२ नम्बरको मोटरसाइकल अनियन्त्रित भई सडकको दायाँ किनारतर्फ डिभाइडरमा ठोक्किएको थियो ।

दुर्घटनामा गम्भीर घाइते भएका साहको नारायणी उपक्षेत्रीय अस्पताल वीरगन्जमा उपचारको क्रममा मृत्यु भएको जिल्ला प्रहरी कार्यालय पर्साका प्रवक्ता डिएसपी राजन लिम्बुले जानकारी दिए ।साह वीरगन्ज १७ अलौं स्थित ससुरालीबाट घर फर्कदै गरेको अवस्थामा दुर्घटनामा परेको प्रहरीले जनाएको छ ।उनले मदिरा सेवन गरेको हुन सक्ने प्रहरीको आशंका छ ।