जिल्ला प्रहरी कार्यालय मकवानपुरले भरुवा बन्दुक सहित एकजनलाई पक्राउ गरेको छ ।

प्रहरीले जिल्लाको बकैया गाउँपालिकाको वडा नम्बर ६ बाट ४० बर्षीय सन्त जिम्बालाई पक्राउ गरेको हो । आइतबार घर खानतलासी गर्ने क्रममा एकनाल भरुवा बन्दुक र २९ किलो गाँजा बरामद गरिएको मकवानपुरका प्रहरी उपरीक्षक लोकेन्द्र श्रेष्ठले जानकारी दिनुभयो ।

यसैबीच मकवानपुर प्रहरीले नै हेटौंडा बसपार्कबाट नुवाकोटका अर्जुन बहादुर प्याकुरेल र रामेछापका उमेश खत्रीलाई डाइजोपाम,फेनार्गन सहितका लागू औषध सहित पक्राउ गरेको छ । उनीहरुको साथबाट ना.१ ज.७३११ नम्बरको मोटरसाइकल पनि बरामद भएको मकवानपुर प्रहरीले बताएको छ ।