मकवानपुर प्रहरीले अवैध घरेलु मदिरासहित शनिबार बिहान तीन जनालाई हेटौँडाबाट पक्राउ गरेको छ ।

जिल्ला प्रहरी कार्यालय मकवानपुरबाट खटेको प्रहरी टोलीले हेटौँडा ५ बाट मकवानपुरको बकैया गाउँपालिका वडा नम्बर ६ बस्ने ४० वर्षीया कान्छी मोक्तान सोही स्थानका २५ वर्षीया बन्दना तामाङ र बसका सहचालक २४ वर्षीय ज्ञानेन्द्र दोङलाई नियन्त्रणमा लिएको हो ।

जिल्लाकै राईगाउँबाट हेटौँडातर्फ आउँदै गरेको ना ३ ख १४७६ नम्बरको बसलाई जाँच गर्दा सोही बसमा सवार उनीहरुलाई एक सय लिटर तयारी घरेलु मदिरा सहित नियन्त्रणमा लिइएको मकवानपुर प्रहरीले जनाएको छ ।