मकवानुरको राक्सिराङ्ग गाउँपालिकाले आगामी आर्थिक बर्षका लागि नीति तथा कार्यक्रम सार्वजनिक गरेको छ।
आफ्ना गाउँपालिकाका स्थानीयहरुका लागि लक्षित गरी बजेट सहितको नीति कार्यक्रम सार्वजनिक भएको हो । ४२ करोड ३३ लाखको बजेट सहित सार्वजनिक गरिएको कार्यक्रममा गाउँपालिकाले कृषि विधुत पर्यटन र पूर्वाधार,राक्सिराङ्गको विकासको आधार” नारा तय गरेको गाउँपालिकाका अध्यक्ष राजकुमार मल्लले बताए ।

गाउँपालिकाले खासगरी कृषि तथा सिंचाइ,पशुपालन,उधोग बाणिज्य तथा आपूर्ति,पर्यटन संस्कृति सहित शिक्षा स्वास्थ्य,खानेपानी सरसफाइ,महिला तथा ज्येष्ठ नागरिकहरुका लागि लक्षित कार्यक्रम ल्याएको छ भने युवा लक्षित कार्यक्रम सहित भ्रष्टाचार निवारण कार्ययोजना पनि तर्जुमा गरिएको अध्यक्ष मल्लले बताए ।