जुम्लामा अनशनरत प्राध्यापक डा. गोबिन्द केसीलाई समर्थन जनाउन नेपाली काँग्रेसले तीन जना नेता जुम्लामा पठाउने भएको छ । केसीको अभियानलाई समर्थन गर्न तथा उनको स्वास्थ्य अवस्था बुझ्न आफ्ना तीन नेतालाई जुम्ला पठाउने काँग्रेले निर्णय गरेको हो ।
कांग्रेस संसदीय दलका सचेतक बालकृष्ण खाँणले जुम्ला जाने सांसद तथा नेताहरुको नाम बुधबारै तय गरिने बताए । चिकित्सा शिक्षाका लागि यसअघि भएका सम्झौता कार्यान्वय तथा सरकारको निषेधाज्ञाबारे आपत्ति जनाउँदै उनले जुम्ला सदरमुकाममा अनशनरत केसीलाई भेट्न तीनजना नेता पठाउन लागिएको जानकारी दिए ।
साथै वीर अस्पतालमा लामो समयदेखि अनशनरत गंगामाया अधिकारीको स्वास्थ्य बुझ्न पनि काँग्रेसले सांसदको तीन सदस्यीय टोली पठाउने निर्णय गरेको खाँणले बताए ।