मकवानपुरगढी गाउँपालिकाको आठै वटा वडामा वडास्तरीय बाल क्लब गठन गरिएको छ । मध्यस्थता नेपालको आयोजना तथा मकवानपुरगढी गाउँपालिकाको आर्थिक सहयोगमा बालक्लब बारे प्रशिक्षण सहित क्लब गठन गरिएको मध्यस्थता नेपालका अध्यक्ष शिवप्रसाद चौँलागाईले बताए ।

मकवानपुरगढी गाउँपालिकाको वडा नम्बर १ मा मीना स्याङ्तानको अध्यक्षतामा १३ सदस्यीय कार्य समिति रहेको बाल क्लब गठन गरिएको छ । त्यस्तै वडा नम्बर २ मा नीमा न्यासुरको अध्यक्षतामा ११ सदस्यीय, वडा नम्बर ३ मा जोसना दाहालको अध्यक्षतामा १३ सदस्यीय, वडा नम्बर ४ मा बीना दोङको अध्यक्षतामा १३ सदस्यीय, वडा नम्बर ५ मा करुणा दंगालको अध्यक्षतामा ११ सदस्यीय, वडा नम्बर ६ मा कविता लोको अध्यक्षतामा ११ सदस्यीय, वडा नम्बर ७ मा शुष्मा कार्कीको अध्यक्षतामा ११ सदस्यीय र वडा नम्बर ८ मा विवेक स्याङ्तानको अध्यक्षतामा १३ सदस्यीय कार्य समिति चयन भएको हो ।

कार्यक्रममा कार्यक्रम संयोजक उज्ज्वल देवकोटा, शुशिलराज गीरी लगायतले प्रशिक्षण दिएका थिए ।