नेपाली काँग्रेसको अवरोधपछि हिजो स्थगित भएको प्रदेश नंबर ३ प्रदेशसभा बैठक आज पनि स्थगित भएको छ ।
प्रदेशसभाले सूचना टाँस गरेर बैठक स्थगन भएको सूचित गरेको हो । बैठक अर्को सूचना जारी नभएसम्मको लागि स्थागन भएको हो ।शुक्रबार बसेको कार्यव्यवस्था परामर्श समितिको बैठकमा नेपाली कांग्रेसले आफुहरुको माग सम्बोधन नभएसम्ममा प्रदेशसभा बैठक अघि बढ्न नदिने अडान राखेको थियो ।

काँग्रेसले डा. गोबिन्द केसीको माग संबोधन हुनुपर्ने,भुकम्प पीडितहरुको चाँडो संबोधन हुनुपर्ने लगायतका माग राख्दै सदन अवरुद्ध गरेको नेपाली काँग्र्रेसका तीन नम्बर प्रदेशका संसदीय दलका नेता इन्द्र बानियाँले जानकारी दिनुभयो ।