मकवानपुरका प्रमुख जिल्ला अधिकारीमा आस्मान तामाङले सोमबारबाट काम शुरु गरेका छन् ।

सिन्धुपाल्चोकबाट मकवानपुर सरुवा भएका प्रमुख जिल्ला अधिकारी आस्मान तामाङ सोमबार हेटौंडा आइपुगेका हुन् । उनलाई जिल्ला प्रशासनका कर्मचारीले सिडियो तामाङको स्वागत गरेका थिए ।

जिल्ला प्रशासनका प्रशासकिय अधिकृत विनयकुमार श्रीवास्तव, गुणराजप्रसाद न्यौपानेसहितका कर्मचारीले सिडियो तामाङको स्वागत गरेका थिए ।स्वागतपछि सिडियो तामाङले प्रशासनका कर्मचारीलाई सेवाग्राहीलाई प्रभावकारी सेवा दिन निर्देशन दिएका छन् ।

कर्मचारीको स्वागत लगतै सिडियो तामाङले जिल्ला प्रहरी प्रमुख बुद्धिराज गुरुङलाई भेटेका छन् । उनले जिल्लाको शान्तिसुरक्षाको अवस्थाका बारेमा एस्पी गुरुङसँग जानकारी लिएका छन् । प्रमुख जिल्ला अधिकारी तामाङ आएपनि सहायक प्रमुख जिल्ला अधिकारी भने मकवानपुरमा एक महिनाभन्दा बढी समयदेखि खाली रहेको छ । सहायक सिडियोमा गृहमन्त्रालयले सिद्धराज जोशीलाई खटाएपनि उनी अझै आइनपुगेको प्रशासनका कर्मचारीले जानकारी दिए ।मकवानपुरका तत्कालिन प्रजिअ चक्र बहादुर बुढाको भने कास्की सरुवा भएको छ ।