सोतोकान कराते डो एसोसिएसन चितवन पर्सा शाखाको बुधबार ग्रेडिङ सम्पन्न भएको छ ।
नेशनल ईङ्लिस बोर्डिङ स्कुल पर्साको प्रङ्गणमा भएको कार्यक्रममा ११जना विद्यार्थीहरुको ग्रेडिङ भएको हो । ग्रेडिङमा (9^th Kyu)  नौं औं क्यू वेल्टबाट (8^th Kyu) आठौं क्यूवेल्टमा स्तरबृद्धि गरिएको एसोसिएसन अध्यक्ष तथा प्रशिक्षक अनिलकुमार विकले गर्नुभएको थियो । कार्यक्रममा सोतोकान करातेसम्बन्धी किहोन, काता र कुमुते प्राविधिक कलाहरु प्रस्तुत गरिएको थियो ।
कार्यक्रममा जिल्ला खेलकुद विकास समितिका कोषाध्यक्ष केशव कंडेल, सोतोकान कराते डो एसोसिएसन चितवन जिल्ला शाखा उपाध्यक्ष रोहित गिरी, सचिव रोजिन श्रेष्ठ एवम् नेशनल बोर्डिङ स्कुलका प्रधानाध्यापक रामचन्द्र लामिछानेलगायतको उपस्थिति थियो ।