आफ्ना प्रवक्ता खड्गबहादुर विश्वकर्मालाई प्रहरीले पक्राउ गरेको विरोधमा नेत्रविक्रम चन्द विप्लव नेतृत्वको नेपाल कम्युनिष्ट पार्टीले आह्वान गरेको नेपाल बन्दको कारण सवारी साधन तथा बजार क्षेत्र प्रभावित भएको छ ।

बन्दको क्रममा मकवानपुरमा बिहानै दुईवट घटना भएका छन् । पूर्वपश्चिम राजमार्गअन्तर्गत हेटौंडा–११ नवलपुरमा प्रेसर कुकर बम फेला परेको छ । बम भेटिएपछि सवारी आवागमनमा पनि असर परेको थियो । सेनाको टोली प्रेसर कुकर बमलाई निस्तेज पारेर त्रासबाट मुक्ति दिलाएको छ । बन्दकर्ताले आतंक फैल्याउन बम राखेको अनुमान गरिएको छ ।

यसैगरी मकवानपुरको टिष्टुङमा बन्दकर्ताले बसमा आगजनी गरेका छन् । भन्सार छुटाएर काठमाडौं लैजाँदै गरिएको स्कुले बसमा बन्दकर्ताले आगो लगाएर क्षति पु¥याएका छन् । टिष्टुङको दउरालीमा भएको घटनामा कुनै मानवीय क्षति भने नभएको प्रहरीले जनाएको छ ।