मकवानपुर प्रहरीले विभिन्न समयमा बरामद गरेका लागू औषध गाँजा जलाएर नष्ट गरेको छ।

इलाका प्रहरी कार्यालय मनहरीले शुक्रबार दिउँसो मनहरी खोला किनारमा लगेर दुई क्वीन्टल ८ किलोग्राम गाँजा जलाएर नष्ट गरेको हो। गाँजाको बजार मूल्य २० लाख ८० हजार रुपैयाँ रहेको इलाका प्रहरी कार्यालय मनहरीले जनाएको छ।

३ नम्बर प्रदेश प्रहरी कार्यालयको सक्रियतामा ११३ किलोग्राम र इलाका प्रहरी कार्यालय मनहरीको सक्रियतामा ९५ किलोग्राम गाँजा केही दिनअघि बरामद गरिएको थियो।

दुबै मुद्दामा संलग्न तीन जनालाई लागूऔषध नियन्त्रण ऐन बमोजिम अनुन्धान गरी मुद्दा चलाइएको इलाका प्रहरी कार्यालय मनहरीका प्रहरी निरीक्षक वीरेन्द्र पनेरुले बताए।