हेटौंडाबाट प्रकाशित भएका दैनिक पत्रिकाहरुले हिजो पूर्व प्रधानमन्त्री एवम् नेकपाका अध्यक्ष मकवानपुरमा आयोजित एक कार्यक्रममा राखिएको भनाइसम्बन्धी प्रसङ्गलाई सबै पत्रिकाले मुख्य समाचार बनाएर छापेका छन् ।

मकवानपुरको मनहरी–९ रजैयामा रहेको ओम श्री वातावरण शुद्धीकरण अभियान अग्नि होत्राश्रमको सातौं वार्षिकोत्सव उद्घाटन तथा चाणक्य भवन उद्घाटन कार्यक्रममा सहभागी हुन हिजो रजैया आएका प्रचण्डले अबको पाँचवर्षभित्र देशले विकासको छलाङ मार्ने दाबी गरे ।

अबको ६ महिनापछि सरकारले गरेका कामहरु देखिन थाल्ने उनले बताए । पूर्वपश्चिम रेलमार्ग र स्तरीय सडक निर्माण गर्न आफूहरु दृढताको साथ लागिरहेको बताए ।

त्यस्तै हेटौंडा खानेपानी बोर्डले उपत्यकाबाहिर पहिलोपटक स्तनपान कक्षको सुरुवात गरेको छ । कार्यालयमा बच्चा बोकेर आउने महिलाहरुलाई सहजताको लागि छुट्टै व्यवस्थित स्तनपान कक्ष बनाइएको छ ।

कक्षको हिजो हेटौंडा उपमहानगरपालिकाका मेयर हरिबहादुर महतले उद्घाटन गरे । आजका सबै स्थानीय पत्रिकामा समाचार छापिएको छ ।

हेर्नुहोस् हेटौंडाबाट आज प्रकाशित दैनिक पत्रिकाको पहिलो पृष्ठ