हेटौंडा–काठमाडौं छोटो मार्गअन्तर्गत गएराती मकवानपुरको भीमफेदी–६ जुरिखेतबाट निजी कार पल्टँदा ३ जना घाइते भएका छन् । राति २ बजेको समयमा दूर्घटना भएको हो ।

काठमाडौँबाट हेटौंडा तर्फ आउँदै गरेको बा। ७ च ९१४२ नम्बरको जीप सडकबाट करिब ४० मिटर तल खसेको प्रहरीले जनाएको छ । दूर्घटनामा घाइते हुनेहरुमा हेटौंडा ४ का ५२ वर्षीय सिताराम न्यौपाने, ४० वर्षीय उद्धव घिमिरे, कपिल्वस्तु घर भएका मोबिन रेग्मी रहेका छन् ।

उनीहरुको हेटौंडास्थित चुरेहिल अस्पताल उपचार भइरहेको जिल्ला प्रहरी कार्यालय मकवानपुरले जनाएको छ ।