नागार्जुन नगरपालिकाकी एक युवतीलाई उनकै मामा नाता पर्नेको सहयोगमा काठमाडौँकै एक होटेलमा राखेर सामूहिक बलात्कार गरेको आशंका तीनजना पक्राउ परेका छन्।

नागार्जुन नगरपालिका-७ हसनटारमा बस्दै आएकी बोल्न र राम्ररी सुन्न सक्दिनन् । उनलाई मामा नाता पर्ने अर्जुन लामाले भीमढुंगास्थित होटेल लगेका थिए ।

त्यसपछि उनलाई भिमढुङ्गा नर्सरीमा होटल सञ्चालन गर्ने ४० वर्षीय रामकृष्ण नगरकोटी, नुवाकोटको रालुकादेवी गाउँपालिका-९ घर भई कलंकी बस्ने ३९ वर्षीय युवतीका मामा पर्ने अर्जुन लामा र नागार्जुन नगरपालिका-८ मजुवा बस्ने ३३ वर्षीय सूर्य रानाले बलात्कार गरेको अाराेप लागेकाे छ।

मामा पर्ने लामाले रानाको होटेलमा लगेपछि तीनैजनाले बलात्कार गरेको अनुसन्धानबाट खुलेको महानगरीय प्रहरी परिसर काठमाडौँका एसपी रामदत्त जोशीले बताए ।

जोशीका अनुसार २१ वर्षीया युवतीलाई बलात्कार गरेको अभियोगमा मामा पर्ने लामा, होटल सञ्चालक नगरकोटी र राना पक्राउ परेका हुन् ।

उनीहरु तीनैजनालाई हिरासतमा लिइसकिएको छ । ‘मामा पर्ने लामाले ती युवतीलाई फकाएर नगरकोटीले सञ्चालन गरेको होटेलमा लगेपछि तीनैजनाले जबजस्ती करणी गरेको पाइएको छ’, एसपी जोशीले भने ।

युवती हराएको सूचना पाएपछि महानगरीय प्रहरी वृत्त कालीमाटीको टोली खोजी कार्यमा जुटेको थियो । खोजीकै क्रममा बलात्कृत भएको अवस्थामा युवती होटेलमा भेटिएकी हुन् ।

बलात्कृत युवतीको स्वास्थ्य परीक्षण तथा अन्य जाँचको प्रक्रिया भइरहेको जोशीले बताए । अभियुक्तसँग बयान लिने काम भइरहेको उनले जानकारी दिएका छन् ।