गजल मञ्च मकवानपुरले हरेक महिनाको पहिलो शनिबार आयोजना गर्दै आएको गजल यात्राको एकसय ४८ औं शृङ्खला सम्पन्न भएको छ । कार्यक्रममा मकवानपुरका एक दर्जनभन्दा बढी गजलकारले गजल बाचन गरेका थिए ।
मञ्चका अध्यक्ष देवराज तिवारीको अध्यक्षतामा भएको कार्यक्रममा हास्यव्यङ्ग्यकार आरसी रिजालको प्रमुख आतिथ्यता रहेको थियो । कार्यक्रममा साहित्य संगम मकवानपुरका अध्यक्ष निमेष निखिल, झरना साहित्यिक परिवारका अध्यक्ष दीपक गौतम, सिस्नुपानी नेपाल मकवानपुरका अध्यक्ष गणेशकुमार पौडेल, साहित्य संगम मकवानपुरकी उपाध्यक्ष अनिता न्यौपाने, सचिव उमेश तिमल्सिना, गजल मञ्चका सचिव केशब समर्पण, गजलकार डिबी वर्तौला, बगेकी गंगा, देवराज लामिछाने, कुबेर पराजुली, अनिशा पुडासैनी, सञ्जीत श्रेष्ठ, केशब खड्कालगायतले गजल बाचन गरेका थिए ।
आँचल कला साहित्य पुञ्जकी अध्यक्ष अप्सरा तिमल्सिना, नियात्राकार रमेशमोहन अधिकारीलगायतले मञ्चलाई सुझावसहितको मन्तव्य राखेका थिए ।