क्रिकेटर सन्दीप लामिछाने हेटौंडा आएका छन् ।
भण्डारस् स्पोर्टस् एकेडेमी जिल्ला कमिटि मकवानपुरले आइतबार दिउँसो आयोजना गर्न लागेको खेलाडी प्रशिक्षण कार्यक्रममा सहभागी हुन क्रिकेटर लामिछाने हेटौंडा आएका हुन् । नेपाली राष्ट्रिय क्रिकेट टोलीका म्यानेजर रमण शिवाकोटीसँग उनी हेटौंडा आएका हुन् ।
शनिबार साँझ हेटौंडा आइपुगेका लामिछानेले आइतबार बिहान हेटौंडाको मकवानपुर बहुमुखी क्याम्पस र हेटौंडा स्कूल अफ म्यानेजमेन्टले स्वागत तथा सम्मान गरेको छ । मकवानपुर बहुमुखी क्याम्पसमा स्वतन्त्र विद्यार्थी युनियनले खेलाडी लामिछानेलाई स्वागत तथा सम्मान गरेको हो भने स्कूल अफ म्यानेजमेन्टले नगद एक लाख रुपैयाँसहित उनलाई सम्मान गरेको छ ।
लामिछानेले दिउँसो १ बजेदेखि करिब २ सय जना मकवानपुरका खेलाडी एवं खेलप्रेमीहरुलाई प्रशिक्षण दिने मदन भण्डारी स्पोर्टस् एकेडेमी जिल्ला कमिटि मकवानपुरका अध्यक्ष निरज सिंह ठकूरीले बताए ।