भेनेजुएलाको एक जेलमा भएको झडपमा ६८ जनाको मृत्यु भएको छ ।समाचार एजेन्सीहरुका अनुसार भ्यालेन्सियास्थित जेलमा बुधबार कैदीबीच झडप भएको थियो । झडपकै क्रममा केही कैदी भाग्ने प्रयास गर्दा सुरक्षाकर्मीले गोली प्रहारसमेत गरेको बताइएको छ ।

अधिकारीहरुका अनुसार घटनाको छानविन सुरु गरिएको छ ।समाचार एजेन्सीहरुका अनुसार ६० कैदीबन्दीको क्षमता भएको सो जेलमा क्षमताभन्दा बढी कैदीबन्दी राखिएको थियो ।

जेलमा झडप भएको खबर प्रकाशमा आउनासाथ जेल बाहिर कैदीका आफन्तहरु जम्मा भएका थिए । प्रहरीले उनीहरुलाई हटाउनसमेत बल प्रयोग गरेको बताइएको छ । एजेन्सी