काठमाण्डौँबाट हेटौँडा आउँदै गरेको जिप दुर्घटना हुँदा एकजनाको मृत्यु भएको छ भने पाँच जना घाईते भएका छन्।
काठमाण्डौँबाट हेटौँडा आउँदै गरेको बा. १३ प. ६४४२ नंबरको जिप दक्षिणकाली नगरपालिका वडा नंबर ९ मा दुर्घटनामा परेको थियो ।दुर्घटनामा परि ५२ वर्षकी मिनादेबी मण्डलको मृत्यु भएको प्रहरी चौकी फर्पिङले जनाएको छ । उनको उपचारको लागि काठमाण्डौँ मेडिकल कलेज लैजादै गर्दा बाटोमानै मृत्यु भएको प्रहरीको भनाई रहेको छ ।
दुर्घटनामा सोमबहादुर गुरुङ, सन्ध्या श्रेष्ठ, एलिना मण्डल, वालवोध मण्डल तथा जितेन्द्र पाण्डे घाईते हुनु भएको छ । उहाँहरु सबैको काठमाडौंमा उपचार भइरहेको छ।