हेटौंडा उपमहानगरपालिका टोल विकास संस्था नगर समन्वय समितिको आयोजना तथा टोल विकास संस्था वडा समन्वय समिति हेटौंडा २ को व्यवस्थापनमा हेटौंडा २ चौकिटोलमा रहेको तिरतीरे धारा देखि मानसचोक सम्म सरसफाई गरिएको छ ।
हेटौंडा उपमहानगरपालिकाका मेयर हरिबहादुर महतको प्रमुख आतिथ्यता तथा टोल विकास संस्था नगर समन्वय समितिका अध्यक्ष ध्रुव अधिकारीको अध्यक्षतामा कार्यक्रम भएको हो । कार्यक्रममा नगर समन्वय समितिका उपाध्यक्ष सति न्यौपाने, सिता विष्ट, महासचिव शिवहरी दाहाल, सचिव राजेन्द्र चौलागाई, देव कुमार श्रेष्ठ, शुसिला मल्ल, कोषाध्यक्ष चन्द्रावती पनेरू, पुन्यवती घिमिरे, माया पौडेल, दिनेश पराजुली, हर्करत्न लामा, तारा ढुङ्गाना, ज्ञानेन्द्र देवकोटा, टोल विकास संस्था वडा समन्वय समिति २ नम्बर वडा संयोजक शारदा ढोडारी लगायत २ नम्बर वडाका २० वटा टोल विकास संस्थाका करिब तीनसय स्थानीयको सहभागीता रहेको थियो ।
कार्यक्रममा बोल्दै प्रमुख अतिथि मेयर महतले सरसफाई र चेतनामूलक कार्यक्रम निरन्तर सञ्चालन गर्दै नागरिकलाई वातावरण संरक्षण प्रति सचेत गराउनु पर्ने बताए ।