हेटौंडा,२५ मंसिर/मकवानपुरको पश्चिमी राक्सिराङ गाउँपालिका ६ र ७ नम्बर वडामा गाउँपालिकाले सोमबार बिभिन्न योजनाहरु सम्झौता गरेको छ । गाउँपालिकाले वडामै पुगेर बिभिन्न योजनाहरु सम्झौतासँगै कार्यआदेश दिएको अध्यक्ष राजकुमार मल्लले बताए ।
राक्सिराङ गाउँपालिकाले गाउँ गाउँमा सिंहदरबार अभियान अन्तर्गत गाउँमा पुगेर सिफारिस, सम्झौता सहित जनताको गुनासो सुन्ने र सम्बोधन गर्ने काम थालिएको उनले जानकारी दिए । अभियानमा उपभोक्ता समितिहरुसँग योजना सम्झौता गरी कार्यआदेश दिने कामहरु बढि भएको ७ नम्बर वडा अध्यक्ष कुल बहादुर चेपाङले बताए ।
६ र ७ नम्बर वडामा गाउँपालिका अध्यक्ष मल्ल,उपाध्यक्ष निर्मला हिमडुङ, प्रमुख प्रशासकीय अधिकृत रामकुमार पुडासैनी, ६ नम्बर वडा अध्यक्ष कुलबहादुर चेपाङ लगायत कर्मचारीहरु सहभागि थिए ।