पशुचौपायको लागि अपनाउनुपर्ने सावधानी नअपनाएको भन्दै मकवानपुर प्रहरीले गाई गोरुसहितको ट्रक नियन्त्रणमा लिएको छ । पूर्वपश्चिम राजमार्ग अन्तर्गत हेटौंडा–१५ रातोमाटेमा ईलाका प्रहरी कार्यालय पशुपतिनगरको टोलीले १९ वटा गाई र ११ वटा गोरुसहित एउटा ट्रकलाई नियन्त्रणमा लिएको हो ।

चेकिङको क्रममा हेटौंडाबाट पथलैयातर्फ जाँदै गरेको ना. ६ ख. २०८१ नम्बरको ट्रकमा गाई गोरु भएको र गाईगोरुलाई अपनाउनु पर्ने सावधानी नअपनाएकोले नियन्त्रणमा लिएको जिल्ला प्रहरी कार्यालय मकवानपुरले जानकारी दिएको छ ।

पशु चौपाया ढुवानीको मापदण्ड २०६४ बिपरित हुने गरी ढुवानी गरेको पाईएकोले ट्रकलाई नियन्त्रणमा लिएर आवश्यक कानुनी कारवाहीको लागि पशुक्वारेन्टाईन चेकपोष्ट पथलैया बारामा पठाइएको जिल्ला प्रहरी कार्यालय मकवानपुरका प्रवक्ता डीएसपी यज्ञप्रसाद भट्टराईले जानकारी दिए ।