आज हेटौंडाबाट प्रकाशित दैनकि पत्रिकाले गोरुसँगै गाई पनि हेटौंडा हुँदै बंगलादेशसम्म पुग्ने गरेको रहस्य सार्वजनिक भएको, सम्बन्ध विच्छेदको मुद्दा दर्ता गर्नेमा महिला नै बढी, हाँडीखोलामा क्रिष्टियनहरुको खुलेआम धर्म प्रचार, प्रदेश मुख्यमन्त्री र बेलायती राजदूतबीचको भेटवार्तालगायतको समाचार प्रमुख प्राथमिकताका साथ छापिएका छन् ।

आजको साझाकुरा दैनिकले बंगलादेशतर्फ गोरुसँगै गाई पनि तस्करी हुने गरेको रहस्योदटन भएको समाचार छापेको छ । जिल्ला प्रहरी कार्यालय मकवानपुरले गोरु बोक्ने ट्रक नियन्त्रण गर्ने क्रममा गाई पनि भेटिएपछि यस्तो रहस्योद्घाटन भएको लेखेको छ ।

पथलैयाबाट हेटौंडातर्फ आइरहेको ना ६ ख २०८१ नम्बरको ट्रकमा जाँच गर्दा गोरुसँगै गोरुसँगै गाई पनि राखेर बंगलादेशतर्फ लैजान लागेको खुलेको हो ।

आजको हेटौंडा सन्देश दैनिकले सम्बन्ध बिच्छेदको लागि महिला नै बढी मुद्दा हाल्ने गरेको तथ्य सार्वजनिक गरेका छन् । उनी मकवानपुर जिल्ला अदालत कार्यालयमा बुधबार फाइल बोकेर मलिन मुहारमा स्रेस्तेदार केशब कौशिकको कोठामा छिरिन ।

३५ वर्षीया ती महिला सम्बन्ध विच्छेदको लागि छिरेकी थिइन् । भदौ १ गतेबाट नयाँ मुलुकी ऐन लागू भएपछि पुरुष पनि सोझै सम्बन्ध विच्छेदको लागि जान सक्ने व्यवस्था गरिए पनि पुरुषको तुलनामा सम्बन्ध बिच्छेदको मुद्दा हाल्नेमा महिला नै अघि छन् ।

समृद्ध समाज दैनिकले ३ नम्बर प्रदेशभर ४६ वटा प्रहरीको भवन बन्दै गरेको समाचार छापेको छ । आत्रिक मामिला तथा कानु मन्त्रालयको आयोजनामा बिहीबार भएको प्रदेशभित्रको प्रहरीको भवन निर्माण कार्यक्रम सम्बन्धमा भएको समन्वय बैठकबाट भवन निर्माणका लागि बिहीबार नै अख्तियारीसमेत दिइएको छ । मुख्यमन्त्री डोरमणि पौडेलले भवन निर्मँण गर्न प्रहरीलाई नै जिम्मा दिइएको बताए ।

मकपवानपुरको मनहरी गाउँपालिकाको हाँडीखोलामा क्रिष्चियनहरुले खुलेआम धर्म प्रचार गर्दै हिँडेको समाचार आजको प्रदेश दैनिकले छापेको छ । एक हप्ताअघिदेखि २५ जनाको समूह बाइबल बोकेर आफ्नो धर्म मान्न आग्रह गर्दै घरघर पुगिरहेका छन् । यसरी धर्म प्रचार गर्नु कानून विपरित हो । मकवानपुरका प्रमुख जिल्ला अधिकारी अस्मान तामाङले त्यस्तो कायए गर्नेलाई कारबाही गरिने बताए ।

हेर्नुहोस् आजका दैनिक पत्रिकाको पहिलो पृष्ठ