हेटौंडा– मकवानपुर प्रहरीले जवरजस्ती करणी गरी फरार रहेका एक अभियुक्तलाई पक्राउ गरेको छ ।

भीमफेदी गाउँपालिका वडा नम्बर ६ बस्ने वर्ष २५ का गणेश भनिने रेवती सञ्जेललाई प्रहरीले सोमबार पक्राउ गरेको हो । गत साउन ४ गते चितवन घर भएकी बालिकालाई भीमफेदीमा रहेको डेरामा लगी बालिकालाई जबरजस्ती करणी गरी फरार भएका थिए ।

जिल्ला प्रहरी कार्यालयबाट खटिएको प्रहरी टोलीले हेटौंडा १५ रातोमाटे चेकपोष्टबाट नीजलाई पक्राउ गरेको हो ।

पक्राउ परेका अभियुक्त सञ्जेलको आवश्यक अनुसन्धान भईरहेको जिल्ला प्रहरी कार्यालय मकवानपुरका प्रवक्ता प्रहरी नायव उपरिक्षक यज्ञ प्रसाद भट्टराईले जानकारी दिए ।