चितवन जिल्ला प्रहरी कार्यालयले दिएको जानकारीअनुसार गौतमचोकबाट पूर्वपश्चिम राजमार्गतर्फ आउँदै गरेको ना ४८ प ३७५७ नम्बरको मोटरसाइकलले पैदलयात्रीलाई ठक्कर दिँदा पैदलयात्री र मोटरसाइकल चालक दुवैको मृत्यु भएको हो।

दुर्घटनामा पैदलयात्री भरतपुर महानगरपालिका-१० का ४२ वर्षीय रमेशविक्रम थापा र मोटरसाइकल चालक पर्वत घर भई हाल भरतपुर महानगरपालिका-७ का२८ वर्षीय युवराज थापाको मृत्यु भएको हो ।

गम्भीर घाइते अवस्थामा युवराजलाई भरतपुर अस्पताल तथा रमेशविक्रमलाई चितवन मेडिकल कलेज लगिएकमा उपचारकै क्रममा दुवैको मृत्यु भएको प्रहरीले जनाएको छ ।