हेटौंडा–हेटौंडाको बुद्धचोकमा आज बिहानै ट्रक दूर्घटना भएको छ । काठमाडौंबाट हेटौंडाको लागि सामान बोकेर आएको आइचर कम्पनीको ट्रकको चालक निदाएको कारण दूर्घटना भएको ट्राफिक प्रहरीले जनाएको छ ।

घटना बिहान ४ः३० बजेको हो । राप्तीरोडबाट आउने सवारीले दायाँबाट बुद्धको मूर्ति परिक्रमा गरी आफ्नो साइडमा गुड्नुपर्नेमा चालकले बायाँबाटै मोडेकोमा बुद्धचोकको बायाँ रेलिङका ठोक्किएर दूर्घटना भएको हो । ग १ ख ६२२२ नम्बरको उक्त ट्रक दूर्घटना हुँदा मानवीय क्षति भने भएको छैन ।

ट्रक चालक धादिङ घर भएका २३ वर्षीय सरोज खतिवडाले आफू निदाएको कारण दूर्घटना भएको स्वीकार गरे । रेलिङ ठोक्किएर पल्टिएको ट्रकलाई क्रेन लगाएर उठाइसकिएको छ ।

हेर्नुहोस् दूर्घटनापश्चात ट्रक पन्छाउने क्रमको भिडियो